Поминаа точно триесет и една година откако „Симпсонови“ седнаа на каучот во семејната куќа во Спрингфилд, вклучија телевизор и ја гледаа првата официјална епизода од серијата.
Иако тие се појавија во шоуто Трејси Алман Шоу од 1987 година во кратки инсерти, на 17 декември 1989 година беше емитувана првата епизода од првата сезона на „Симпсонови“, според „Би-Би-Си“.
Епизодата наречена „Simpsons Roasting on an Open Fire“, емитувана непосредно пред крајот на деценијата, означи почеток на една нова ера.
Ова американско семејство ќе продолжи да ги смее гледачите ширум светот и во следните 30 години.
За тоа време, „Симпсонови“ го посетија секој континент, се сретнаа со бројни личности од светот на шоубизнисот и политиката, беа гости и беа домаќини на други цртани ликови, a многу пати ja „предвидoa иднина“.
Сатирата и критиките кон американското општество инспирираа и други бројни „цртани филмови за возрасни“, кои ги поместија границите на дозволениот хумор на телевизијата во годините кои доаѓаа.
