Стјепан Хаусер неодамна на Инстаграм објави снимки од Венеција, на кои со колешката, виолончелистката Џулија, изведува романтичен дует додека се возат со гондола по каналите.
Иако многумина во коментарите го пофалија нивниот настап, дел од обожавателите забележаа еден необичен детаљ – Хаусер и овој пат е бос.
Ова не е првпат музичарот да настапува без обувки. Напротив, босите стапала веќе станаа негов препознатлив белег. На социјалните мрежи редовно објавува видеа во кои свири или танцува бос – било тоа во природа, во сали за настапи или на интимни музички сесии.
На пример, во едно видео тој чекори бос низ виноград, а на својот ТикТок-профил често објавува вакви настапи, кои предизвикуваат поделени реакции – дел од корисниците ги сметаат за „тежок кринџ“, додека други му замеруваат дека премногу се експонира и дури сугерираат да му се „забрани пристап“ до платформата.
Да потсетиме, крајот на април Хаусер поттикна шпекулации за можен таен брак со Украинката Марија, откако на социјалните мрежи објави заеднички фотографии од глисер, каде двајцата позираат во бела облека.
