Американската глумица Џулија Робертс беше гостинка на еден натпревар на поло во Лос Анџелес што се одржа во паркот „Вил Роџерс“.
Со својот стајлинг потсети на улогата што ѝ ја обележи кариерата. Секако, станува збор за ликот на проститутката Вивиен Вард од легендарниот филм „Убава жена“.
Во една од сцените таа го придружува својот клиент Едвард Луис (Ричард Гир) на натпревар на поло, облечена во фустан со точки и бели чевли.
Глумицата и за овој вистински натпревар во Лос Анџелес избрала слична гардероба. Носела црна блуза со бели точки, а на нозете повторно имала бели чевли.
Во филмот носеше салонки, а за оваа пригода одбрала таканаречени „оксфордки“ од брендот The Office of Angela Scott, кој има блок-потпетица со висина од 6 сантиметри.
Ова е еден од моделите на чевли околу кои никогаш не можат да се усогласат мислењата. Некои ги сакаат, а некои не можат ни да ги смислат. За жените кои не сакаат високи потпетици оксфордките се фантастичен модел, а дамите што преферираат високи штикли, ретко ќе посегнат по нив.
Можеби токму моделот на Џулија Робертс со средно висока потпетица е оној што ќе им се допадне на двете страни.
