Пејачката Бритни Спирс (37) тврди дека татко ѝ Џејми (66) ја терал да зема лекови, а потоа ја ставил во установа за ментално здравје против нејзина волја, пренесува The Sun.
Нејзиниот татко е задолжен за имотот на Бритни откако имала нервен слом пред десетина години. Сепак, и покрај тој договор, нема овластувае да ја смести во установа или да ја тера да пие лекови против нејзина согласност.
Бритни на суд рекла дека татко ѝ пред еден месец ја натерал да оди во установа за ментално здравје, а нејзината мајка Лин (64), која се развела од Џејми во 2002 година, е на страна на ќерка ѝ. Таа и Бритни се држеле за рака кога го напуштале судот во Лос Анџелес. Бритни го напуштила судот босонога.
Судот ги истражува обвинувањата, а од негова страна е назначен експерт кој ќе ја испитува Бритни пред да се донесат некои одлуки во врска со случајот.
