Пејачката Бритни Спирс сподели видео во кое раскажува што може да направи сега кога конечно се ослободи од старателството и дека се срами воопшто да зборува за сè. Таа најави и големо интервју со Опра Винфри во кое пред целиот свет ќе ги открие сите ужаси кои ги доживеала за време на „притворот“.
„Многу ми е непријатно да кажам дека никогаш не сум видела готовина или дека не сум возела автомобил. Се будам секој ден и прашувам како моето семејство можеше да ми го направи сето ова“, напиша таа покрај искреното видео.
„Ќе одговорам на прашањето што постојано ми го поставувате, што ќе правам сега кога се ослободив од старателството. Многу добро прашање!“, започна Бритни притоа објаснувајќи кој е нејзиниот план.
View this post on Instagram
„Бев под старателство 13 години, а тоа е многу долг период кога сте во ситуација во која не сакате да бидете. Искрено сум благодарна за секој ден и ме радуваат мали нешта како поседување клучеви од автомобил или купување свеќи. Тие мали нешта прават огромна разлика за нас жените“, вели Спирс.
View this post on Instagram
Ѕвездата истакна дека не го прави ова за да изиграва жртва, бидејќи целото детство живеела со жртви и затоа го напуштила домот и работела 20 години.
„Тука сум да бидам застапник на лицата со реален инвалидитет и реални болести, не можам ни да замислам што им направил системот на овие луѓе. Се надевам дека мојата приказна ќе влијае и ќе направи некои промени во корумпираниот систем“, заклучи таа.
View this post on Instagram
Пејачката им се заблагодари на своите обожаватели кои ја поддржаа преку движењето #freebritney.
„Навистина ми го спасивте животот. Ќе имаме добра година и убав Божиќ, Господ да ве благослови сите“, порача Бритни Спирс.
