Српскиот музичар Саша Поповиќ, кој е креативен директор на музичката продукција „Гранд“, веќе некое време не се појавува во јавноста и ги паузираше обврските поради здравствени проблеми.
Како негов пријател, водителот Зоран Пејиќ – Пеја сега проговори за состојбата на Поповиќ.
„Ситуацијата се подобрува и мене ми е исклучително драго за тоа. Јас и сите наши пријатели се молиме на Бога за тој да победи. Тој е голем борец и заслужува да го победи сето ова. Работите стануваат подобри. Иако е многу бавно, ништо не е недостижно“, откри Пеја.
Водителот додаде дека Поповиќ „фантастично“ се држи во овој тежок период.
„Тој патува, оди во Франција, па доаѓа дома. Овде има и прегледи, тука има и лекари кои се грижат за него. Сега тој е фокусиран на своето здравје. Сите контакти во врска со ‘Гранд’ ги остварува телефонски и дава директиви бидејќи сето тоа без него не би било тоа што е“, истакнува водителот.
Пеја откри дека сопругата на Поповиќ, Снежана, е постојано покрај него.
„Таа е покрај него 24 часа. Додека тој спие, таа го чува. Таа се грижи за него, го вози. Тој е под нејзина контрола, таа е голем борец и голема лавица и симнете ѝ капа за сета љубов. Овие нешта се нормални, долго време се во брак и немаа никаков стрес за време на бракот. Едноставно, уживаа“, рече тој.
