Парот се познаваше неколку години претходно пред да се „сплетка“. На почетокот биле само добри пријатели, а нивниот однос, како што тврдат, бил чисто професионален. Дури по разводот на Берни, тие започнале романса.
Милијардерот и поранешен шеф на Формула 1, Берни Еклстон на 90 години стана татко, јавува „Daily Mail“. Неговата сопруга Фабијана Флоси (44) на свет донела момче. Парот на синот му го даде името Ејс, а за странските медиуми откри дека породувањето траело само 25 минути.
Еклстон, инаку, има уште три деца, но и пет внучиња. Од првиот брак со Ив Бамфорд ја има ќерката Дебора (65). Тој беше во брак и со Славица Еклстон (61) од 1985 до 2009 година. Со неа ги има ќерките Тамара (35) и Петра (31) кои неодамна беа на едномесечен одмор во Хрватска. Берни, три години по разводот со Славица, се ожени со Фабијана.
Парот тврди дека е заедно дури по неговиот развод, а претходно, како што велат, нивниот однос бил чисто професионален, иако одамна се запознале.
