Лаура Гњатовиќ (23), која ја претставуваше Хрватска на овогодинешниот избор за Мис Универзум во Тајланд, одговараше на прашања од своите следбеници на Инстаграм, вклучувајќи и некои „скокотливи“. Едно од нив беше колку тежи. Инаку, Лаура е висока 191 см.
– Верувале или не, дојдов во Тајланд со моите скромни 68 килограми. Имам чувство дека во моментов тежам 71 килограм. Не сум сосема сигурна – рекла таа во својата инстаграм-приказна.
Хрватската претставничка признала и што ѝ било најнапорно во текот на натпреварот.
„Недостигот на сон, ништо друго“, кратко порачала убавицата.
Гњатовиќ заврши меѓу првите 30 натпреварувачки во финалето, а по изборот, се огласи на социјалните мрежи.
View this post on Instagram
„Сè уште апсорбирам сè… Стоејќи на сцената на Мис Универзум и извикувајќи ХРВАТСКАААААА од дното на моето срце е момент што никогаш нема да го заборавам. Влегувањето во топ 30 меѓу толку многу неверојатни жени е чувство на вистински благослов, буквално едно од оние животни поглавја за кои знаете дека ќе ги носите со себе засекогаш. Му благодарам на Бог за силата, мирот и водството низ ова патување“, рекла таа.
Победничка на овогодинешниот избор е Фатима Бош од Мексико, која претходно беше во центарот на контроверзии. Имено, на почетокот на натпреварот, потпретседателот на организацијата Мис Универзум за Азија и Океанија, Нават Ицарагрисли, јавно ја понижи Бош. Сè се случи за време на церемонијата на доделување на лентата, а причината за тоа беше тоа што мексиканската мис не се појавила на спонзорираното снимање претходниот ден. На церемонијата, тој ја прозва пред сите и со груб тон бараше од неа да објасни, на што таа одговори дека не сака да биде прозвана пред сите. Потоа Нават ја нарече „будала“ и Фатима ја напушти просторијата. Неколку други натпреварувачки излегоа со неа во знак на поддршка.
Титулата втора придружничка ја освои Мис Венецуела, третата беше Мис Филипини, а четвртото место го освои претставничката на Брегот на Слоновата Коска, која на крајот се откажа од титулата.
„Како претставничка на Брегот на Слоновата Коска на натпреварот Мис Универзум 2025 во Бангкок, од прва рака бев сведок дека сум способна да постигнам големи работи и покрај неволјите. Но, за да продолжам по овој пат, морам да останам верна на моите вредности: почит, достоинство, извонредност и еднакви можности – најсилните столбови што ме водат“, рече таа, нагласувајќи дека нејзината оставка вклучува „секое идно поврзување со Комитетот на Мис Универзум“.
