Музичарот Александар Станимировиќ, попознат како Аца Амадеус, ужива во нова љубовна врска со 23 години помладата пејачка Барбара Бојовиќ.
По турбулентниот период исполнет со јавни несогласувања со поранешната сопруга Снежана и ќерката Васка, музичарот откри дека повторно е среќен во љубовта.
Аца во неколку наврати на социјалните мрежи сподели фотографии со својата нова партнерка, а сега и јавно потврди дека нивната врска е сериозна.
„Конечно ја најдов љубовта на мојот живот! Знаете како велат, најмногу се сакаат првото дете и втората жена“, изјави Аца за „Информер“.
Тој откри дека Барбара е пејачка со која се запознал преку заеднички пријатели.
„Барбара е пејачка и многу е барана. Пее одлично. Се запознавме преку заеднички пријатели. Брзо меѓу нас се роди искрата, а сега слободно можам да кажам дека врската е сериозна и дека започнавме заеднички живот кај мене“, рече музичарот.
Освен приватно, Аца планира да ѝ помогне и во музичката кариера.
„Мојот брат Боки ѝ напиша песна, а „Амадеус бенд“ ќе ѝ ги направи аранжманот и продукцијата. Таа е една од најдобрите пејачки што сум ги слушнал во животот. Сметам дека е сосема во ред на личност со таков талент да ѝ дадам ветер во грб“, изјави тој.
На профилот на Барбара Бојовиќ на Фејсбук може да се видат и нивни заеднички фотографии, со кои не ја кријат својата љубов.
