Жените во просек кажуваат околу 20.000 зборови во еден ден, додека мажите само 7.000. Научниците објаснуваат дека поголемата доза на протеинот „Foxp2“ во мозокот е одговорна за женскиот „муабет“.
Научниците од Универзитетот во Мериленд открија дека жените имаат поголема доза на протеинот „Foxp2“ во мозокот, познат и како „јазичен протеин“. Затоа тие учат да зборуваат многу порано од мажите и „трошат“ дури 13.000 зборови повеќе од нив дневно.
Експертите дошле до овој заклучок испитувајќи ги машките стаорци, кои произведуваат повеќе звуци од женките. Утврдено е дека мажјаците имаат повисоки нивоа на протеинот „Foxp2“, додека кај луѓето ситуацијата меѓу половите била обратна.
