Лејди Џејн Греј никогаш не очекувала дека ќе стане кралица, иако била во крвно сродство со тогашниот крал. Таа имала само 15 години кога тоа се случило. Четири дена по смртта на кралот Едвард Шести во 1553 година, Грејн се разбудила со веста дека ќе владее со Англија.
Круната на Едвард Шести требало да ја наследи неговата сестра Мери. Меѓутоа, кралот бил побожен протестант и не можел да замисли неговата сестра, која била од католичка вероисповед, да владее со земјата.
Неколку дена пред смртта, кралот Едвард напишал тестамент во кој ја именувал Џејн Греј за своја наследничка. На тој начин запалил искра која набргу по неговата смрт доведува до вистински хаос во Англија.
Мери речиси веднаш по објавување на оваа вест тргнала во војна со својата роднина.
Девет дена по крунисувањето, Лејди Џејн Греј завршила во затвор поради предавство, била донесена пресуда таа или „да се запали жива, или да и се отсече главата, како што кралицата ќе сака“.
Храбра до самиот крај
По една година, казната навистина била извршена.
Џејн Греј прво морала да гледа како му ја отсекуваат главата на нејзиниот сопруг, пишува историчарот Скот Шо-Смит во својата книга „Погубувањето на Тјудрови“.
Кога дошол редот и Греј да биде погубена, таа на момент делувала доста храбро. Греј рецитирала псалм преку кој го молела Бога за милост, а од џелатот барала само смртта да биде брза.
Шеснаесетгодишната Џејн Греј не паничела сѐ додека не било наредено нејзината глава да се стави на дрво.
Во тој момент од паника и страв таа извикала: „Што да правам? Каде е дрвото?“.
Набргу лицата кои биле задолжени да ја убијат и објасниле што треба да направи, а потоа џелатот си го завршил своето.
Сликата погоре: Погубувањето на Лејди Џејн Греј, Пол Деларош (1554 година).
