Вера Шимунија е руска уметница која не се плаши да експериментира и која ја носи уметноста на едно ново ниво. Тоа покажува дека уметноста може да се создаде и без четки или молив.
Таа создава пејзажи кои воодушевуваат, само со игла и шарени конци, прикажувајќи различни расположенија.
Вера по професија е економист и никогаш не посетувала работилници или часови по уметност или курс за везење. Порано се занимавала со аматерско сликање, но да стане вистински уметник никогаш не била нејзината цел.
Сè започнало кога почувствувала желба да ги сподели своите чувства, па така започнала да ги создава овие убавини.
Нејзината желба е да ја прикаже различноста на природните предели на мало парче ткаенина. Вера комбинира сатенски конци и француски јазли и додава тенки и дебели влакна и конци за да добие повеќедимензионален, реален изглед.
Нејзините апсолутно омилени дела се делата инспирирани од убавината на небото. Таа верува дека без разлика дали небото е мрачно, спокојно или јасно, чисто сино, може да стане огледало на расположението на човекот. Таа исто така додаде дека одредени делови од везовите се одраз на нејзините сопствени чувства.
Нејзините дела можат да се препознаат по лелеавите хоризонти кои се остри за разлика од пејзажите, кои и истовремено ги надополнуваат, пишува „Bright Side“.
