Јакуб Котовиц е ветеринар од Полска кого многумина го сметаат за херој бидејќи патува ширум Украина и ги спасува животните кои се нашле во средиштето на воените зони. Јакуб досега спасил над 200 мачки и 60 кучиња од градот Лавов.
32-годишникот минатата недела влегол во воената зона како дел од конвојот од Пшемишл на полската граница.
Меѓу животните што ги спасил се и Вира, куче кого куршум го погодил во ‘рбетот и мала коза со деформирани нозе, по име Саша.
View this post on Instagram
Котовиц се надева дека ќе ја вдоми козата, која сега го дели удобниот кревет со неколку кучиња.
Ветеринарот веќе 15 години има и добротворна организација за спасување животни, наречена „Фондација АДА“, па сега ја користи за да ги спаси погодените и настраданите животни во војната.
Вели дека се надева дека ќе купи уште едно возило и ќе формира прифатилиште за животни покрај складиштето за пакување залихи.
Раскажа и како две мачки веќе стигнале кај своите вдомителни семејства кои се надвор од Украина.
„Сите домашни миленичиња се под голем стрес, патувањето од Лавов трае еден ден и границата ја минавме со дипломатска карта, но колоната од Украина беше многу долга“, вели ветеринарот.
