Поради многуте обврски остануваме будни долго во ноќта и се будиме најмалку еден час порано од вообичаено. Секој втор човек пред празниците спие во просек по пет часа дневно.
Празниците би требало да бидат време за одмор и опуштање во кругот на семејството, но во пракса тоа најчесто не е така. Многу често празниците се претвораат во стресни денови, покажало едно британско истражување.
Неделата пред Божиќ е прогласена за најстресен и најнапорен период во годината, кога во просек губиме околу 21 час од сонот. Поради многуте обврски остануваме будни долго во ноќта и се будиме најмалку еден час порано од вообичаено. Секој втор човек пред празниците спие во просек по пет часа дневно, а тој стрес ги предизвикува празничните кошмари поради кои жените се будат препотени. Соништата се одраз на празничните теми и проблеми, па жените најчесто сонуваат како ги брка џиновска мисирка или како се бакнуваат со Дедо Мраз.
Покрај тоа што се непријатни, кошмарите предизвикуваат ненаспаност, што на концентрацијата делува исто како што алкохолот делува врз способноста за возење – ја забавува, предупредува Крис Иѕиковски, експерт за квалитет на сон и раководител на истражувањето.
Ако сакате да уживате во празниците, едноставно спуштете ги очекувањата. Стресот ќе го намалите ако ги намалите вашите критериуми и очекувања, а за да создадете совршена божиќна бајка не си поставувајте невозможни цели, советува психологот Корин Свит. Имајте на ум дека ништо во животот не е совршено и психички подгответе се дека нема да оди сѐ според планот.
Опуштањето со помош на алкохол може да биде виновник за ненаспаност.
Алкохолот дејствува многу побрзо и посилно на исцрпен организам. Ако ве мачи несоница, иако се празници, наместо чаша вино пред спиење напијте се чај од камилица или чаша млеко. Проветрејте ја и затемнете ја спалната и пред спиење одете на кратка прошетка или подгответе си топла бања.
