Медицинската сестра Дамарис Силва (26) од Сантијаго, Чиле, по тешката смена, шета по ходниците со својата виолина и им свири познати латиноамерикански песни на пациентите во ковид-болницата.
Со својата виолина, оваа млада медицинска сестра шета низ ходникот и така ги поздравува пациентите, a оние што можат, ѝ возвраќаат со аплауз и со насмевки.
Болницата каде што работи се наоѓа во сиромашниот дел на Сантијаго, во населбата Ла Пинтана.
– Мојата цел е да им дадам на овие луѓе малку љубов и надеж, со звуците на мојата виолина. Тоа го правам од срце – изјави Силва за „Ројтерс“.
