Магдоносот е растение кое го користиме како зачин и одличен сојузник е во борбата против уринарните проблеми и заболувањата на бубрезите.
Но, тој има уште една магична моќ – ја ослободува акумулираната вода во телото и само за неколку дена ќе се чувствувате многу полесни.
Со чајот од магдонос само за неколку дена може да бидете полесни и до пет килограми. Не станува збор за топење на салото, туку за прочистување на организмот и ослободување од течностите поради кои често се чувствуваме подуено и потешки.
Рецептот е многу едноставен. Во 1 литар врела вода додадете пет големи лажици исечкан магдонос. Оставете да отстои околу 20-на минути, а потоа чајот може да го процедите или да го пиете заедно со магдоносот.
Подготвувајте и пијте од чајот секојдневно по литар, најмногу до една недела. Веќе после третиот ден ќе се чувствувате многу полесни.
Исфрлањето на водата од телото е многу важно. Со урината ги исфрламе и токсините и бактериите. А за магдоносот е научно докажано дека е одличен диуретик, но и силен антиоксиданс. Пиењето на чај од магдонос е препорачливо, но секако не смеете да пртерате со овој чај. Консумирањето не смее да биде повеќе од еден литар дневно.
