Ноќта помеѓу петок и сабота ќе имаме можност да видиме помрачување на месечината, астрономски феномен кој низ историјата ги фасцинирал древните цивилизации и служел како предупредување или најава на трегедии и несреќи кои ќе следат.
Доколку го занемариме „предвидувачкиот“ аспект на помрачувањето, научното објаснување е сосема едноставно. Помрачувањето се случува кога земјата ќе се најде помеѓу сонцето и месечината и ќе ја префрли својата сенка на нашиот единствен природен сателит, со што се добива впечаток дека небесното тело го снемува, односно нешто го „јаде“.
Сите древни народи биле опседнати со овој астрономски феномен. Кај јужноамериканските цивилизација, Ацтеки и Инки, тоа бил чист пример за делување на поголемите сили – сите можеле да видат како голем јагуар ја голта месечината. Кај Еѓипќаните тоа било дива свиња, а во древна Кина – тронога жаба.
