За правилно да го воспитате своето дете, пробајте ги на дело овие совети од американскиот психолог д-р Кевин Леман, кој тврди дека златната формула се крие во овие десет реченици.
– Бидете секогаш доследни во своето однесување, за детето да знае дека сте сериозни за она што го зборувате или правите.
– Секогаш исполнете го она што сте кажале дека ќе го направите и никогаш не отстапувајте од тоа.
– Наместо да се расфрлате со зборови, затворете ја устата, размислете и одговорете на ситуацијата смирено наместо бурно да реагирате.
– Секогаш избројте до десет кога ќе наидете на проблем и запрашајте се: Што би требало да променам?
– Никогаш не им се заканувајте на децата, бидејќи заканите ретко се спроведуваат, па тие многу и не им веруваат.
– Никогаш не се лутете пред нив, па доколку и ги загубите нервите, извинете му се на детето за евентуално изречените навреди.
– Никогаш не го предупредувајте за се и сешто, бидејќи со тоа однесување детето ќе сфати дека кон него се однесувате како да е неспособно и глупаво и дека се мора да му се нацрта.
– Не ги преземајте неговите проблеми, постојат работи кои мора самостојно да ги направи.
– Немојте да мислите дека лошото однесување ќе исчезне, заборавете на тоа очекување.
– Задржете го ведриот израз на лицето дури и кога сакате да се намуртите.
