Во 1989 година, Џон Картер ја посетил областа Опатија и Крк, а репортажата од тоа патување била објавена во 1990 година. Истата репортажа за Јадранот, повторно исплива на „Јутјуб“.
Картер ја започнува репортажата споредувајќи ја сличноста на местата на ривиерата и коментирајќи ја архитектурата и естетиката. „Немаше песочни плажи на овој дел од Ривиерата, но се чини дека тоа не им пречи на туристите“, истакна тој.
„Кога бев во Југославија последен пат, ми останаа некои динари, па сега ги зедов повторно со себе за да ги потрошам. Последен пат кога бев, оваа сума на динари вредеше околу 15 фунти. Денес околу 50 пени, па не можам со тоа ниту оваа шолја кафе да ја платам“, раскажува тој, споменувајќи ја инфлацијата..
Тој, исто така, ја опишува понудата на ресторанот, приватно сместување, како и вечерна забава со музика во живо. Во видеото може да погледнете како изгледал туризмот на Јадранот во 1989 година.
