Поранешната сопруга на ѕвездата на „Спасувачка служба“ Џереми Џексон, 38-годишната Лони Вилисон, деновиве беше „уловена“ од фотографите како боса шета по улиците на Лос Анџелес. Поранешната манекенка беше видена во јавноста за прв пат од минатата пролет, а беше фатена како копа низ ѓубрето на плажата Венис, пишува Дејли меил.
View this post on Instagram
Американските медиуми објавија дека Лони денес е непрепознатлива, а е бездомник од 2016 година.
Истата година поранешната манекенка доживеа нервен слом, а поранешната девојка на Џереми Џексон, Синди Ковакс, за британските таблоиди коментираше дека актерот одбил да и помогне на поранешната сопруга откако се разделиле во 2014 година.
„Ми здодеа неговата реакција. Нему едноставно не му беше грижа“, рече таа.
View this post on Instagram
Претходната година Лони за медиумите изјави дека не сака помош од бившиот или нејзините пријатели. Таа со месеци не се слушнала со никого.
„Можам да живеам сама. Имам се што ми треба, а овие луѓе не сакаат да ме погледнат. Немам мобилен телефон и никој не може да дојде до мене, но имам храна и место за спиење“, рече таа.
Инаку, поранешната манекенка беше во брак со Џереми од 2012 до 2014 година, а потоа исчезна во 2018 година кога нејзините пријатели се обидоа да ја убедат да оди на клиника за рехабилитација за да се справи со нејзините ментални проблеми и зависностите. Нејзиниот брак се распадна по серија пијани тепачки.
View this post on Instagram
Вилисон работела како асистентка во центарот за пластична хирургија во Лос Анџелес, а потоа во 2016 година доживеала нервен слом и добила отказ, а потоа го изгубила домот. Извесен период работеше и како фитнес инструктор и ги красеше насловните страници на некои списанија, но сè тргна наопаку поради нејзините психички проблеми.
