Ако мислевте дека жените се расположени за секс за време на викендите, тогаш се излажавте.
Најновото истражување кое го пренесува „she.hr“ вели дека постои врска помеѓу водењето љубов и денот во неделата или месецот. Женското либидо е под влијание на различни надворешни, но и внатрешни фактори, додека, се чини, машката желба за секс е секогаш иста, силна и постојано изразена.
Најсилното либидо е непосредно пред и за време на плодните денови, поточно, многу брзо по завршувањето на „оние денови“.
Меѓутоа, покрај хормоните, желбата за секс е под влијание на голем број фактори, вклучително и денот во неделата. Истражувањето спроведено врз голем примерок од сами жени и жени во сериозни врски покажа дека жените кои се „сингл“ најпрво ќе водат љубов во понеделник и среда, додека оние во врска акцијата ја превземаат во петок или сабота.
За време на менструалниот циклус, жените поминуваат низ фази во кои имаат сосема спротивно сексуално расположение. На многу жени им пречат овие ненадејни промени, но не знаат како да ги контролираат и прилагодат на потребите на нивното тело.
1–5 ден на циклусот
Почетокот на менструалниот циклус е фаза во која нема раздразливост, надуеност и чувство на тежина. Оваа фаза се јавува затоа што нивото на хормонот естроген се зголемува. Ако имате болна менструација, уживајте во страсни допири, бидејќи сексот може да ја смири болката. За време на оргазмот, се ослободуваат ендорфин (хормон на среќата), кој исто така е природен опијат и ја ублажува болката.
6–8 ден на циклусот
Идеален период за експерименти во кревет, бидејќи вашата самодоверба повторно е на врвот. Во овој период, надоместете сè што сте пропуштиле за време на менструацијата.
9-14 ден на циклусот
Во овој период, вашето тело се подготвува за овулација. Естрогенот го достигнува својот врв, а вие се чувствувате како вистинска заводничка. Жените во овој период се чувствуваат волшебно и секси, често носат тесни фустани и маици со деколте. Врз основа на сето тоа, можеме да заклучиме дека ова се најдобрите денови за секс. Која поза и да ја одберете, ќе доживеете кулминација, бидејќи вагината е исклучително чувствителна во овој период.
15–19 ден од циклусот
Ова е период кога нема да бидете толку расположени за секс, но тоа е сосема нормално. Нивото на естроген значително опаѓа и тоа влијае на вашето расположение. Во овој период, најмногу ќе уживате во гушкање со партнерот. Бидејќи во овој период се чувствувате уморно, одберете едноставна поза и оставете сè на партнерот.
20-28. циклус ден
Ова е најнеповолниот период за жената, бидејќи тогаш таа е крајно раздразлива и депресивна. Нивото на естроген е екстремно ниско. Кога ќе влезете во овој период, ќе уживате во топли и миризливи бањи, а во кревет најмногу ќе ви се допадне партнерот да ве задоволи орално.
