Членовите на групата „Квин“, Брајан Меј и Роџер Тејлор, и нивниот нов вокал Адам Ламберт, го преработија нивнио легендарен хит „We Are The Champions“ и го преименуваа во „You Are The Champions“ и оваа песна им ја посветија на здравствените работници ширум светот кои се во првите редови во борбата со коронавирусот.
Тие, секој од своите домови во Лондон, Корнвол и Лос Анџелес, се поврзаа преку инстаграм-врска, за да ја создадат новата верзија на нивната препознатлива химна.
Песната ќе биде објавена под посебно име, а собраните средства ќе бидат донирани во солидарниот фонд за ковид-19 на Светската здравствена организација.
Во продолжение погледнете го спотот од преработката на песната.
