Момче од Австралија изјави дека е реинкарнација на принцезата Дијана и ги нарече Хари и Вилијам свои синови, пренесува Мирор.
7-годишниот Били Кембел, кој е роден 18 години по смртта на принцезата Дијана, е сигурен дека тој е реинкарнација на покојната принцеза.
Како потврда на неговите зборови, тој зборува за настани од животот на Лејди Ди кои се случиле многу пред неговото раѓање. Конкретно, тој им рекол на членовите на своето семејство дека има брат по име Џон (братот на принцезата Дијана, Џон починал пред таа да се роди), а исто така редовно се осврнува на неговите две „момчиња“, мислејќи на принцовите Вилијам и Хари.
На прашањето на родителите кои се овие момчиња, Били самоуверено одговара дека тоа се негови синови.
Според таткото на Били, австралискиот ТВ водител Дејвид Кембел, неговиот син првпат зборувал за принцезата Дијана на двегодишна возраст.
„Прво почна да ги спомнува своите две момчиња. И кога виде фотографија со принцезата Дијана, извика: „Гледај, ова сум јас кога бев принцеза“, рече тој во интервју за списанието „Стелар“.
Родителите на Били Кембел тврдат дека на својот син никогаш не му раскажале ништо за членовите на кралското семејство, но детето тврдоглаво продолжува да им кажува детали од животот на Дијана и нејзините роднини.
