„Енигма“ е името на единствениот црн дијамант кој има 555,55 карати, а експертите сметаат дека неговото потекло е космичко. Овој исклучително редок скапоцен камен пред два дена им беше прикажан на новинарите во аукциската куќа „Садеби“ во Дубаи, а патувањето го продолжува во Лос Анџелес, каде што ќе биде претставен и пред локалната публика, пренесува „Асошиејтед прес“.
View this post on Instagram
Дијамантот треба да биде понуден на продажба во Лондон следниот месец, а организаторите од аукциската куќа „Садеби“ очекуваат дека ќе достигне вредност од близу седум милиони долари.
Бројот пет е многу важен за дијамантот, а тој број се провлекува во овој црн скапоцен камен кој има 55 аспекти, изјави Софи Стивенс, специјалист за накит во „Садебија“ во Дубаи.
„Обликот на дијамантот се заснова на блискоисточниот симбол на дланката хамса, што значи сила и заштита, а хамса на арапски значи и број пет“, изјавил Стивенс за АП.
Таа, исто како и другите експерти, смета дека црниот дијамант има вонземско потекло, дека најверојатно настанал кога метеорит паднал на земја. Теоријата за космичкото потекло на овој скапоцен камен се заснова на неговите јаглеродни изотопи и високата содржина на водород.
View this post on Instagram
Црните скапоцени камења, велат експертите, се исклучително ретки и можат да се најдат само во Бразил и Централна Африка.
