Еден среќен добитник од Северна Каролина освоил 100.000 долари на лото. Но, тоа не било првпат да освои големи награди на истиот платен пункт, туку трет.
Тери Сплоун од градот Конкорд уплатил 20 долари и добил 100.000 долари, а по оданочување, му останале само 70.800 долари, објави „New York Daily News“.
Во април 2017 година, Сплоун добил милион долари на среќа, а две години подоцна, во март 2019 година, купил грепка и добил уште милион долари.
„Ова е неверојатно. Дефинитивно е забавно да се победува. Беше Денот на трудот. Така што за мене тоа беше навистина убаво изненадување“, рекол Сплоун.
Имено, овој среќен човек секое добитно ливче или грепка ја купувал од истата продавница во Конкорд, во „Sam’s Mini Stop“.
