Љубовниците често биле пресудни за опстанок на царствата, но и за нивното пропаѓање, a oва е приказна за едно од најславните кралски семејства, семејството Романови.
Приказните за животите на членовите на династијата Романови не престануваат да го интригираат светот. Во книгата на британскиот историчар Симон Себага Монтефиореа откриени се бројни детали за животот на царското семејство и оние од непосредното опкружување.
Монтефиореа влегува длабоко во интимата на царевите, нивните сопруги, децата, љубовниците, во нивната психа, карактерите, слабостите, но и силата на секој од нив.
Во продолжение прочитајте неколку интересни приказни за семејството Романови.
Како Александар Први Романов се „сплеткал“ со туѓа куртизана?
„Ти нудам 100.000 фунти и ќе ти ја вратам Вилхелмина ако ми ја препуштиш Полска“, му напишал рускиот цар Александар Први Романов на канцеларот на Хабсбуршката монархија, Константин фон Метерних на Виенскиот конгрес на кој се одлучувала судбината на Европа и на светот.
Царот Александар Први Романов неколку часа пред тоа влегол во палатата „Палм“ и во холот наместо лево, кај Катја Багратон, една од најголемите куртизани на 19-тиот век, која ја нарекувале уште „бела мачка“, свртил десно накај Вилхелмин де Саган, исто така позната куртизана и долгогодишна љубовница на канцеларот Константин вон Метерних.
Послугата забележала дека царот кај Вилхелмина се задржал повеќе од три часа. Но љубовната уцена не успеала, а Метерних и претходно се жалел дека Вилхелмина „морала да го прави „тоа“ седумпати дневно и сексот ѝ бил како јадење оброк“.
Всушност и Катја Багратион, која под фустанот често не носела ништо, била негова љубовница.
Тешко е да се каже дали на Виенскиот конгрес повеќе се воделе преговори за „столот“ или за „креветот“. Биле поканети 100.000 гости од кои една третина проститутки, куртизани, па конгресот се претворил во сплет на љубовни афери и оргии.
Иако на царот Александар не му успеало со љубовницата на соперникот, сексот, дивеењето на забавите и љубовниот живот често пресудно се одразувале на судбината на руското царство.
