Нело и Патрасе
Непосредно пред катедралата во Белгија се наоѓа масивен кип на момче кое спие со своето домашно милениче под прекривка од камен. Иако на прв поглед статуата изгледа слатко, приказната што стои зад неа воопшто не е романтична и убава. Во својот живот момчето Нело се соочило со бројни тешкотии, се борел со сиромаштија и глад, а на крај се смрзнало држејќи го во прегратка својот најдобар пријател, кучето Патрасе.
Љубов – Деца заглавени во тела на возрасни
Скулпторот Александар Милов направил уметничко дело кое прикажува две возрасни лица свртени со грб, додека децата во нив чезнеат едно за друго.
Ова дело може да се толкува на неколку начини, а најчесто го сфаќаат како деца кои се држат заедно по разводот на родителите. Некои велат дека тоа се љубовници на кои егото не им дозволува да се смират, а други дека тоа се возрасни луѓе кои го изгубиле детството.
Чевли на брегот на Дунав
За време на Втората светска војна од Евреите се барало да ги соблечат чевлите и да застанат пред реката за непосредно после тоа да бидат стрелани. Во спомен на тие настрадани луѓе, настанала скулптурата на брегот на Дунав која се состои од низа чевли како сеќавање на 3.500 луѓе кои ги изгубиле животите покрај реката. Ова уметничко дело се наоѓа во Будимпешта.
Маж и жена
Ова е тажна приказна за двајца љубовници, Али и Нино, кои не можеле да бидат заедно поради различното верско потекло. Секој ден во 19 часот скулптурите се движат една кон друга додека не дојдат на растојание за да се бакнат, а потоа се разидуваат.
