Се случи и тоа, дојде времето кога кралицата на европскиот фудбал, Марина Грановскаја, се збогува од Челси. Фудбалскиот клуб беше претходно неколку месеци на продажба, а откако добија нов сопсвеник, Тод Бели, клубот мора да се збогува со ерата на Абрамович. И тоа беше сосема очекувано, дека со продажбата на Челси од страна на рускиот бизнисмен ќе следуваат поздрави и од неколку негови доверливи луѓе кои го придружуваа во сите победнички години во Лондон.
Заминувањето на Марина Грановскаја, извршен директор на клубот и десна рака на рускиот олигарх веќе со недели наназад беше најавувано во спортските и неспортските британски медиуми. Марина беше централна фигура во процесот на развој на фудбалскиот клуб Челси од доаѓањето на Абрамович па наваму. Лик кој низ годините можеше да ги привлече пофалбите и вниманието на многу професионалци. Многуина се согласуваа дека таа е „една од најкомпетентните спортски менаџери во светот“.
Секој што ќе налетал на нејзиното име, сепак, ќе го забележеше оскудниот број информации за нејзиниот лик, особено за нејзиниот приватен живот. И тоа од неа направи мистериозна личност.
Но која е навистина Марина?
Профил кој некои медиуми се обидоа да го оцртаат и кој малкумина успеаја да го дефинираат.
Затоа би можеле да зборуваме за таинствен профил, но реалноста на фактите е поинаква. Во клубот таа отсекогаш била доминантна фигура, таа која лично раководела со секој настан, секое прашање го решавала, вреднувала и заклучувала.
Единствената вистинска личност која отсекогаш го поддржувал Абрамович дури и јавно, лик со кој се соочувал во тешки времиња и со кој споделувал успеси и победи.
Марина го започнува своето патување со светот на великаните со диплома од Московскиот институт за танц и музика. Образование кое ја научило на дисциплина, упорност и ригидност, способност да биде во центарот на сцената без да се биде вишок.
Академската кариера потоа продолжува на Факултетот за странски јазици на Московскиот државен универзитет. Студии кои ѝ дозволија да го отвори својот ум, да научи нови јазици и нови култури, но кои и ги отворија и вратите на светот со напуштањето на големата, но сепак „ограничена“ татковина Русија.
Веќе на својата прва задача, во 1997 година со нафтената компанија Сибнефт, таа ги испреплетува судбината и патот со сопственикот на компанијата, кој е самиот Роман Абрамович.
Марина се истакнува, има силен карактер, работи напорно и е почитувана во светот на нафтата, исто како што ќе биде подоцна и во светот на фудбалот.
Роман ја цени неговата решителност, упорност и нејзиниет вештини. Марина продолжува да расте, да учи, да му се посветува на Сибнефт, грижејќи се за неговиот административен дел и меѓународните односи со различни странски партнери.
Во 2003 година Абрамовиќ беше привлечен од светот на фудбалот и го купи Челси. Влезе во светот дотогаш неистражен за него и една од првите работи што ја направи е што ја убедија Грановскаја да му се придружи во овој многу амбициозен проект.
View this post on Instagram
Марина одговари веднаш. Станува збор за жена од кариера, па токму во лондонскиот клуб таа излезе од рускиот балон, поставувајќи се себеси како менаџер од светска класа. Во оскудното присуство на жени на лидерски позиции во фудбалската индустрија, таа со текот на времето стана апсолутна референца. Вработените во Челзи веднаш се восхитија на нејзината упорност и посветеноста покажана во тие канцеларии. Ја дефинираа како личност посветена на својата мисија, толку многу што се наоѓа себеси како работи во апсурдни времиња и во незамисливи моменти.
Таа влезе во светот на фудбалот на 29-годишна возраст во сенка на гломазна фигура како Абрамович и години подоцна се етаблира како една од најмоќните директори во оваа индустрија.
Во 2015 година, магазинот Форбс, ја рангираше на високото пето место на највлијателни жени во светскиот спорт.
View this post on Instagram
Грановскаја е корпоративен менаџер, но во позитивна смисла на терминот. Таа е таа што делуваше како филтер за Абрамович помеѓу деловните и фудбалските прашања, помагајќи му на тајкунот секогаш да остане поврзан и да носи најправилни одлуки. Евоцира тип на личност која никогаш нема да повика помош, но веројатно ќе ја реши работата, во добро или во лошо, во апсолутна автономија, преземајќи ги сите одговорности. А настаните кои го тестираа нејзиниот карактер и го раширија нејзиниот имиџ во јавноста сугерираат едно: Марина Грановскаја никогаш не се плашела од непопуларни избори.
Но сега е најавен дефинитивниот крај меѓу Марина Грановскаја и Челси – таа заминува од функцијата, а трансферите во наредниот период ќе ги договара сопственикот, Тод Бели.
