– Денес времето во Македонија ќе биде сончево и релативно топло со слаб до умерен ветер од јужен и од југоисточен правец. Во вечерните часови облачноста ќе се зголемува, и во текот на ноќта во западните предели ќе започнат врнежи од дожд. Температурите ќе се искачуваат во интервалот од 15 до 20 степени, вели нашиот метео прогнозер Славчо Попоски.
Во Скопје и околината времето ќе биде сончево и релативно топло. Во текот на ноќта облачноста ќе се зголемува. Максималната температура ќе се искачи до околу 17 степени.
Според Попоски, од утре и тоа особено претпладне ќе има врнежи од дожд, додека до крајот на денот врнежите ќе престануваат. Ќе дува умерен, повремено на некои места засилен ветер од јужен и од југоисточен правец. Температурите ќе бидат нешто пониски и ќе се искачуваат во интервалот од 8 до 17 степени.
– Од среда па натаму ќе имаме променливо облачно време со сончеви периоди, а врнежи не се очекуваат. Ќе дува слаб до умерен, повремено и засилен ветер од јужен и од југоисточен правец.
Температурите ќе бележат тенденција на пораст и тоа поради јужното воздушно струење и истите ќе се искачуваат во интервалот од 17 до 23 степени, што значи дека истите ќе бидат НАТПРОСЕЧНИ за овој период од годината, заклучува Попоски.
