– Како што најавивме, почетокот на новата седмица ни носи и понатаму променливо облачно и натпросечно топло време со сончеви периоди. Ќе дува и слаб ветер од променлив правец, додека температурите ќе се искачуваат во интервалот од 17 до 24 степени, и истите ќе бидат повисоки од просечните дури за околу 10 степени, вели нашиот метео прогнозер Славчо Попоски.
Во Скопскиот регион почетокот на новата седмица ни носи променливо облачно и натпросечно топло време со сончеви периоди. Ќе дува и слаб ветер од променлив правец, додека температурата ќе се искачува до околу 20 степени.
Според Попоски, потоа, поради продор на постуден воздух од север, во вторник попладне ќе започне да дува умерен, а долж Повардарието повремено засилен ветер од северен правец. Пад на температурите ќе имаме од среда. Ќе има услови и за повремен локален дожд, и тоа од вторник па натаму.
