Оваа салата е инспирирана од турскиот специјалитет „хавуч таратор“. Се подготвува со неколку едноставни состојки, а одлично оди со печено месо, компири или како лесен оброк со парче леб.
Состојки
- 4 средни моркови
- 200 г густ јогурт или кисело млеко
- 2 чешниња лук
- 2 лажици маслиново масло
- Сол по вкус
- Малку свеж копар или магдонос
- 2 лажици сечкани ореви (по желба)
Подготовка
Излупете ги морковите и изрендајте ги на крупната страна од рендето. Во тава загрејте го маслиновото масло и кратко пропржете ги морковите додека малку не омекнат. Оставете ги целосно да се изладат.
Во сад измешајте го јогуртот со ситно сечканиот лук и солта. Додајте ги изладените моркови и промешајте додека не добиете кремаста смеса.
Одозгора наросете копар или магдонос, а по желба додајте и сечкани ореви. Пред послужување оставете ја салатата кратко во фрижидер.
За полесна и покрцкава верзија, морковите можете да ги користите свежи, без пржење. За погуст и покремаст вкус употребете грчки јогурт.
