Модниот гигант H&M точно знае што прави – следната модна пролет вниманието го свртува кон своите продавници, нудејќи ни неверојатна колекција дизајнирана во соработка со 100.годишната модна икона Ајрис Апфел.
За оние кои се прашуваат дали животот во одреден момент престанува да ни приредува изненадувања, легендарната Ајрис Апфел го има одговорот: не, бидејќи на 100 години сè уште можете да лансирате своја нова линија облека во соработка со моден гигант, како што е H&M.
Колекцијата за пролет 2022 ќе биде во продавниците на H&M низ светот (штета што ја немаме оваа модна марка кај нас!), насловена како Iris Apfel x H&M. На тој начин модниот гигант ќе оддаде почит кон 100от роденден на саканата муза Ајрис, која со децении ги инспирира фановите.
Жената која сака да се дефинира себеси како „најстара тинејџерка во светот“ е глобално позната по својот ексцентричен излег, но и по радоста што ја носи со модните комбинации кои ги избира, предимензионираните очила и беспрекорното чувство за стил.
Колекцијата Iris Apfel x H&M ќе вклучува асортиман полн со изненадувања дизајнирани за секого, вклучувајќи ексцентрични модни парчиња и додатоци создадени со доза на дрскост и голема доза на слобода, диектно од умот на Ајрис.
Сите материјали што се користат во колекцијата се рециклирани или пак, се од еколошко производство.
„Мислам дека брендот H&M е прекрасен и апсолутен пионер во својата област, затоа и го сакам!“, рече Ајрис Апфел за соработката.
„Ајрис го отелотворува личниот стил, има прекрасен светкав и еклектичен вкус, но и мотото дека таа нема возраст. Таа покажува што претставува модата: средство за да се изразиш себеси, својата личност додека се забавуваш – таа е вистински креативец!“, коментираше Ен-Софи Јохансон, креативен советник во H&M.
Колекцијата ќе биде достапна во продажба на почетокот на 2022 година.
View this post on Instagram
