Уште 40.000 автомобили на Tesla се повлечени од пазарот за уште еден проблем кој се додава на веќе долгата листа. Маск е единствениот одговорен.
Повеќе од 40.000 возила во САД се повлечени поради потенцијален дефект во системот за серво управување. Вината за инцидентот целосно паѓа на извршниот директор, Илон Маск, за кој во последно време повеќе се зборуваше од вообичаено поради неодамнешното купување на Твитер.
Тесла проценува дека околу 1% од нејзините 40.168 возила, од Model S и Model X, имаат проблеми со електронското серво управување (EPAS). Овие возила, произведени помеѓу август 2017 и декември 2020 година, ја обновиле својата калибрација на системот EPAS со ажурирање на најновата верзија, но ова ажурирањето на софтверот се покажа особено проблематично за најмалку 314 возила.
Намалената моќност на серво воланот може да бара поголем напор при управувањето, особено при помали брзини. Покрај тоа, може да го зголеми ризикот од несреќи. Тесла „нема сознанија за повреди или смртни случаи поврзани со оваа ситуација“. Сепак, се навестува дека единствен одговорен е Илон Маск поради одлуките што ги донел неодамна. Треба да се напомене дека 97% од повлечените возила веќе имале ажурирање на софтверот за да се реши проблемот.
