– Продолжува периодот на МНОГУ ПРОМЕНЛИВО време со повремени врнежи од дожд. Повремено и локално врнежите ќе бидат ИНТЕНЗИВНИ (над 30 л/м2 за 12 часа па токму поради ова во периодот кој што е пред нас има можност да дојде до локални ПОПЛАВУВАЊА), па затоа препорачуваме КРАЈНА ПРЕТПАЗЛИВОСТ.
Локално ќе биде и нестабилно со интензивен пороен дожд, грмежи и СИЛЕН јужен ветер (повремено со брзина од над 65 км/час). Овие денови насекаде ќе дува умерен до засилен, повремено и СИЛЕН ветер (над 65 км/час ) и од јужен правец.
Снег ќе врне само на највисоките планински места на запад и на северозапад. Температурите ќе бидат пониски и максималните дневни ќе се искачуваат во интервалот од 10 до 16 степени.
Во Скопскиот регион исто така повремено ќе биде врнежливо а ќе дува и засилен југоисточен ветер. Температурите ќе се искачуваат во интервалот помеѓу 12 и 14 степени, вели метеопрогнозерот Славчо Попоски.
