Рускиот претседател Владимир Путин постхумно го одликуваше вицегувернерот на Херсонската област Кирил Стремусов со Орден за храброст. Стремусов загина во сообраќајна несреќа.
„За храброст покажана за време на должноста, доделете му Орден за храброст на Кирил Сергеевич Стремусов, заменик-шеф на воено-цивилната администрација на регионот Херсон (посмртно)“, се вели во документот, пренесуваат руките медиуми.
На 9 ноември, воениот дописник Семјон Пегов, повикувајќи се на зборовите на личниот возач на службеникот, ја пријавил смртта на 45-годишниот Кирил Стремусов во несреќа кај Геническ. Подоцна, оваа информација беше потврдена од прес-службата на администрацијата на регионот Херсон.
Министерството за здравство на регионот ја констатирало смртта на Стремусов и додава дека во сообраќајна несреќа се повредени уште две лица на кои им била укажана лекарска помош.
Соопштено е и дека возачот на камионот, кој направил опасен маневар, наводно станал виновник за несреќата.
