Ѕвездата на серијата „Пријатели“, Метју Пери (53) откри дека своевремено бил толку зависен од дрога, што ги пребарувал дури и ормарчињата во туѓи тоалети.
Познатиот Чендлер од серијата „Пријатели“ напиша мемоари „Пријатели, љубовници и големата страшна работа“ во која ја откри целата своја животна приказна, сите подеми и падови. Проговори и за борба со зависноста.
Тој во интервју за „Еј-би-си“ и откри на новинарката Дијана Соер што правел.
– Во недела одев по куќи кои беа на продажба, влегував во тоалетите и барав дали има апчиња внатре и ги крадев. Мислам дека луѓето мислеа дека нема шанси Чендлер да влезе и да нè украде, изјави познатиот актер.
Инаку, целата постава на серијата „Пријатели“ беше една навистина добитна комбинација. Сите ликови имаа свој шарм, беа смешни и препознатливи. Еден од нив беше и Чендлер Бинг чии шеги често беа предмет на расправа меѓу ликовите, а неговите реплики до ден денес добро запамтени.
Откако престана снимањето на серијата, многу работи се променија. Метју Пери, актерот кој го глуми Чендлер, продолжи со снимање филмови и серии, но ниту една улога не беше забележана како онаа во „Пријатели“.
