Во недела на 2 октомври годинава во Скопје ќе се одржи 18-то издание на Виз Ер Скопски маратон со традиционалните трки кои се дел од оваа спортска манифестација.
Сите заинтересирани тркачи кои сè уште не се пријавиле на настанот, тоа можат да го направат уште денеска на официјалната страна на Виз Ер Скопски маратон.
Оваа година стратот и целта се враќаат на својата претпознатлива локација – пред македонското Собрание, а целта ќе биде плоштадот „Македонија“. Стартот на маратонот, полумаратонот и штафетната трка- ЕУ за спорт ќе биде во 8 часот, а трката на 5 километри ќе започне во 8.10 часот.
Подигнување на старатните пакети сите учесници ќе имаат можност да го направат тоа од 29.09.2022 (четврток) до 01.10.2022 (сабота) во Веро Центар, од 11 до 19 часот. При подигнување на пакетот тркачите ќе треба да прикажат потврден меил од пријавата или документ за идентификација.
Секој учесник на Виз Ер – Скопски маратон добива вредносен ваучер од 20 евра од насловниот спонзор на трката, Виз Ер кој можат кој може да се искористи при купување на авионска карта.
Виз Ер Скопски маратон е во организација на Сојузот на спортови на Скопје, во соработка со атлетски клуб „Работнички“ од Скопје, а под покровителство на Град Скопје, Делегацијата на ЕУ и Агенцијата за млади и спорт.
