„Американските власти испраќаат ново оружје во Украина, вклучително и ракетни фрлачи Химарс, бидејќи сакаат да го пролонгираат конфликтот на секој начин. Зад оваа одлука стои нескротливата желба на Вашингтон да го одолговлекува конфликтот по секоја цена, за да ги компензира растечките загуби на националните баталјони и украинските вооружени сили со испраќање оружје“. Ова го изјави – како што пренесува Тасс – руската амбасада во САД во врска со воената помош што американските власти му ја пружиле на Киев.
„Неодржлива е тезата дека оружјето Украинците го користат за одбранбени цели. Властите во Киев и националистичките формации користат оружје од САД за да ги уништат градовите во Донбас“ – додаваат од руската амбасада.
