Премиерот на Грција Кирјакос Мицотакис, кој престојува во Лондон за да присуствува на Грчката инвестициска конференција организирана заеднички од Атинската берза и Морган Стенли, ќе се сретне со кралот Чарлс III во замокот Виндзор во понеделник навечер, пишува „екатимерини“.
На официјалната средба во Виндоз ќе присуствува и сопругата на грчкиот премиер – Марева Грабовска, инвестициски банкар со британски, грчки i полски корени.
Според ТВ Скаи, премиерот и кралот ќе разговараат за проектот за реставрација и развој на поранешниот кралски имот во Татои, северно од Атина.
Чарлс, тогашниот принц од Велс, го посети Татои во 2021 година како дел од неговото патување за време на комеморацијата на 200 години од почетокот на Грчката војна за независност од Отоманската империја.
Фондацијата основана од Чарлс е еден од советниците за плановите за реставрација на кралската палата Татои.
Ова ќе биде прва средба меѓу Мицотакис и кралот Чарлс Трети по преземањето на тронот на престолонаследник во септември годинава
