Заменик-претседателот на Советот за безбедност на Руската Федерација Дмитриј Медведев на својот Телеграм профил саркастично и емотивно ја коментираше изјавата на поранешниот американски претседател Доналд Трамп дека обвинителството го предупредило за претстојното апсење.
„Кретените во Европа сакаа да уапсат некој друг, а на 21 март ќе ги уапсат своите во Америка“, напиша тој.
Рускиот политичар во својата објава ги нарече актуелниот американски претседател Џо Бајден и неговиот син Хантер „корумпирана банда на луди убијци на свињи“ и им понуди „да ги фрли во ѓубриштето на историјата“.
Медведев ги повика Американците „да ја вратат својата земја и да ја уништат тиранијата на Вашингтон“, пренесува рускаиот портал „газета“.
Претходно Трамп предупреди дека на 21 март би можел да биде приведен од канцеларијата на окружното обвинителство на Менхетен. Тој не прецизираше со каков случај се поврзува претстојниот притвор, но нагласи дека станува збор за стари и одамна разоткриени обвинувања.
