Новиот сопственик на социјалната мрежа Твитер, претприемачот Илон Маск, изјави дека треба да се подготви за напади од администрацијата на американскиот претседател Џо Бајден, левичарските политичари и медиумите откако реши да го деблокира профилот на Твитер на поранешниот шеф на Белата куќа Доналд Трамп.
Милијардерот одговори на објавата на еден од корисниците на социјалната мрежа дека треба да биде подготвен „за зголемување на нападите и одмаздата“.
„Јасно е дека ноќта го следи денот“, напиша Маск.
Претходно, Доналд Трамп изјави дека не е заинтересиран да се врати на Твитер, одговарајќи дека компанијата во моментов има „многу проблеми“.
Твитер профилот на поранешниот американски претседател беше деблокиран на 19 ноември. Ваква одлука донеле учесниците на анкетата, која ја спроведе сопственикот на социјалната мрежа Илон Маск. Само седум часа по укинувањето на забраната за профилот на Трамп, бројот на следбеници на Доналд Трамп на социјалните мрежи се зголеми на 25 милиони.
Верификуваниот профил на Трамп беше „замрзнат“ на 8 јануари 2021 година, два дена откако приврзаниците на поранешниот претседател упаднаа во Капитол во обид да го спречат одобрувањето на американскиот Конгрес за претседателските избори на претставникот на Демократската партија Џо Бајден.
