Твитер во блиска иднина ќе отстрани 1,5 милијарди профили кои не биле користени долго време. Ова го пренесува FoxBusiness, повикувајќи се на објавите на Илон Маск на Твитер.
„Очигледно, ќе бидат избришани само оние профили кои немаат објави и не се активни онлајн неколку години“, прецизира милијардерот.
Маск објасни дека е потребно чистење на неактивните профили на Твитер за да се ослободат корисничките имиња за нова публика.
Се чини дека одлуката е очекуван потег на Маск додека се подготвува за масовно примање на нови корисници. Набргу по купувањето на Твитер, бизнисменот изјави дека за година и пол месечната публика на социјалната мрежа ќе надмине милијарда корисници.
Покрај тоа, Илон Маск вети дека ќе додаде бројач за прегледи на Twitter сличен на Telegram. Милијардерот верува дека на овој начин луѓето ќе се уверат дека социјалната мрежа е „пожива отколку што изгледа“.
Кога точно ќе се реализираат плановите на Маск не е прецизирано.
