Претседателот на индонезиската трговска и индустриска комора Аршад Расид изјави дека американскиот бизнисмен Илон Маск нема лично да присуствува на самитот на Г-20 на Бали, туку ќе зборува преку видео врска, пренесува Ројтерс.
Расид истакна дека Маск нема да може да стигне на самитот, бидејќи во САД неочекувано се случил одреден „инцидент“ за кој е потребно негово присуство во земјата.
Самитот на Г-20 треба да се одржи на Бали на 15 и 16 ноември.
Претходно, и CNN Индонезија објави дека шефот на SpaceX, Илон Маск, треба да присуствува на самитот на Г20. Според каналот, Маск ќе биде еден од говорниците на сесијата „Навигација низ глобалните технолошки иновации на иднината“.
