Aктерoт Благој Чоревски е лауреат на наградата „Васил Иљоски“ на годинешниот меѓународен театарски фестивал „Денови на комедија“ чие отворање е најавено за 28 септември кога се очекува да му биде врачено признанието.
Фестивалот го организира Центарот за култура „Трајко Прокопиев“ во Куманово.
Благој Чоревски е еден од ретките професионаци на нашите сцени. Критичарите велат дека без разлика дали создава театар, телевизиска серија, радио настап, успева да се претстави како исклучителен актер полн со автентична креативност и моќ за создавање комплетно различни ролји.
Роден е во Велес во 1947 година. Завршил Театарска академија во Софија во 1971 година. Член е на Драмскиот театар од 1971 година каде бил директор од 1983 до 1998 година. Настапувал во многубројни театарски претстави, филмови, ТВ серии.
