Си имаме премиер, подобар од мене нема, колку и да звучи нескромно. Формирањето малцинска влада е најдоброто што може да се случи за стабилноста и разбирањето во моментов, изјави Бојко Борисов, откако во пратеничката група на партијата се погласни се барањата да се именува Борисов за премиер, иако неговото заминување е услов за многумина во земјата за да прават коалиција со нив.
– Нашата политичка елита се уште не е созреана. па така, и Меси има 31 година, но кога ќе влезе на терен го дава првиот гол. Бугарија го има Меси во овој поглед, а тоа сум јас – изјави Борисов.
Борисов треба да биде номиниран за премиер на ГЕРБ-СДС – најави и почесниот претседател на „Герговден“ Љубен Дилов, кој е дел од коалицијата ГЕРБ-СДС. Тој појасни дека тоа е негово мислење, а кого ќе предложи ГЕРБ-СДС зависи од останатите формации.
„За мене лично, тоа е премиерот на Бугарија, ако сакаме нешто да се промени. Што ќе одлучи ГЕРБ, сепак, не можам да ви кажам, зависи од ГЕРБ, бидејќи се поголема формација и тие одлучуваат“, истакна Дилов.
Пратеникот на ГЕРБ, Тома Биков го поддржа овој став: „Мое лично мислење е дека ако сакаме да го нормализираме политичкиот систем, мора да му пристапиме логично. Која е логиката? Кога зборуваме за првата политичка сила во земјата, обично лидерот на партијата станува премиер. Бојко Борисов, мислам дека треба да биде номиниран“, истакна тој.
