Според прелиминарните податоци, украинско беспилотно летало го нападнало седиштето на руската Црноморска флота во Севастопол и пет лица се повредени, изјави гувернерот на Севастопол Михаил Развозаев, пишува рускиот портал Риа Новости.
„Неидентификуван предмет влетал во дворот на штабот на флотата, според прелиминарните податоци се работи за дрон. Пет лица се повредени, тие се членови на штабот на флотата, нема загинати“, рече Развозаев на Телеграм.
Од друга страна пак, Киев негира. Нападот врз седиштето на руската Црноморска флота во Севастопол, Крим, „е отворена провокација на Русија“, „непријателска лага“. Ова го осуди гувернерот на регионалната воена управа на Одеса, Украинецот Сергеј Братчук, предупредувајќи дека „ослободувањето на нашиот Крим од окупаторите ќе се случи на поинаков и многу поефективен начин“ – објавија украинските медиуми откако гувернерот на Крим, Михаил Развозаев, најави напад со беспилотно летало што ја нападнало командата на руската флота, при што се повредени пет лица на денот кога Русија ја слави својата морнарица, пренесува раињуз.
