Според некои извори, Владимир Путин открил дека неговата љубовница Алина Кабаева (38) е повторно бремена. Според гласините, рускиот лидер има тајна врска со поранешната гимнастичарка од 2008 година, а од неа веќе има две деца, иако Путин никогаш јавно не го кажал тоа ниту ги признал децата.
Според информативниот канал на Телеграм, General SVR, за кој се верува дека го води поранешен разузнавач на Кремљ, Кабаева е повторно бремена.
„Путин дозна дека неговата љубовница е повторно бремена и очигледно тоа не било планирано“. „Веќе објавивме дека вчера рускиот претседател Владимир Путин, според очевидци, делувал депресивно и малку отсутно“, се наведува, „Ова е разбирливо бидејќи вчера Путин дозна дека неговата долгогодишна партнерка и мајка на неговите деца, Алина Кабаева, е повторно бремена.
Истиот информативен канал претходно имаше тврдења за здравствените проблеми на Путин, за кои исто така многу се зборуваше во Русија.
Првото дете на Путин и Кабаева е родено во тајност во Швајцарија во посебни услови и огромно обезбедување во 2015 година, според извор поврзан со бабицата која присуствувала на породувањето на Алина. Второто дете е родено во Москва во 2019 година, а породувањето било под надзор на истиот доктор кој специјално заминал во Русија за породување, според истрагата на швајцарскиот весник Sonntagszeitung.
Минатата недела, еден документ откри дека ЕУ планира да воведе санкции против Кабаева за нејзината улога во пропагандата на Кремљ.
