Класичните полнети пиперки, заменети ги со нашиот нов предлог рецепт. Дали сте пробале полнети домати? Доколку не сте ги пробале, мора да го сторите уште денес. Вкусни и супер сочни, едноставно вистинска експлозија од вкусови. Ви го откриваме „тајните“ состојки и магичниот рецепт.
Состојки:
– 500 г мелено месо
– 12 домати
– 1 главица кромид
– 1 морков
– 1 филџан ориз
– 2 лажици ајвар (по желба)
– 200 мл сок од домати
– сол и црн пипер
– масло
Подготовка:
Оризот сварете го да омекне. На масло испржете ги сечканиот кромид и морковите, па додајте го меленото месо. Зачинете со сол и црн пипер и пржете додека биде готово. При крај на пржењето додајте ги ајварот и оризот, па измешајте. Со ова наполнете ги доматите што сте ги исчистиле од семето и наредете ги во чинија за печење. Ако ви остане фил, распоредете го меѓу доматите, заедно со исчистената средина од нив. Попрскајте со масло и печете ги во рерна загреана на 200 степени, 15-ина минути.
