Враќањето од одморот во Хрватска секако ќе остане во сеќавање на една жена од Австрија. Како што пренесуваат локалните медиуми, откако се распакувала дома, жената во својот куфер пронашла 18 скорпии.
Тоа се случило минатата сабота во градот Натернбах, Горна Австрија, а жената веднаш стапила во контакт со надлежната служба за контрола на животните.
– Скорпиите веројатно добро би се размножиле во Австрија, но тука не припаѓаат – ѝ рекол службеникот.
Овие мали животни ќе ги вратат во родната Хрватска, од која не е првпат скорпии да пропатуваат илјадници километри.
Како што пренесува Мирор, една жена од Линц на крајот на јуни исто така по враќањето од Хрватска пронашла една скорпија во својот стан. Меѓутоа, таа го забележала дури по три недели.
Како што додаваат, ова е трет пат за помалку од една година некој да „донесе“ скорпии од јадранскиот брег во Горна Австрија.
