Станува се потешко секојдневно да смислувате кој десерт да им го спремите на децата во ова време кога сите сме затворени во четири ѕида, а полека ги исцрпивме сите идеи. Среќа, овој рецепт од минатото за легендарниот колач чија подготовка трае колку еден училишен час, ќе ги воодушеви вашите најмили.
Црн колач без јајца со банана
*Состојки за бисквитот
– 1 чаша јогурт
– 1 чаша зејтин
– 2 чаши гриз
– 2 чаши кафеав шеќер
– 4 лажици какао
– 2 лажички сода бикарбона
– 2 пасирани банани
– 2 лажици рум
*Состојки за глазура
– 10 лажици млеко
– 1 ванилин шеќер
– 150 грама чоколадо за готвење
– 50 грама маргарин
Подготовка:
Состојките за тестото помешајте ги во поголем сад и оставете половина час смесата да отстои. За тоа време вклучете ја рерната да се загрее на 180 степени и калапот со големина 20 х 35 см премачкајте го со зејтин и посипете го со гриз. Смесата ставете ја рамномерно во калапот и печете приближно 45 минути, во зависност од јачината на рерната. Малку пред да биде готов колачот, стопете ги на пареа сите состојки за глазурата и прелијте го топлиот колач.
Пријатен апетит!
